2024-жылдын 26-майында Кыргыз Республикасынын ӨКМне караштуу Окуу-изилдөө борборунун окутуучулары Кыргыз Республикасынын Финансы министрлигине караштуу мамлекеттик бажы кызматынын «Түндүк темир жол бажысынын» курамына Жарандык коргонуу жаатында, өрт коопсуздугу эрежелери боюнча жана алгачкы медициналык жардамдар боюнча сабактар уюуштурулуп өткөрүлдү. Окуунун жыйынтыгында өткөрүлгөн  темалар боюнча суроо-жооп  болуп, ошондой эле бажы кызматынын катышуучулары ыраазычылык билдирип жыйынтыкталды. Окууга 46 кызматкер катышышты.

10-июндан тарта ӨКМдин Ош шаары, Ош, Жалал-Абад, Нарын, Талас, Ысык-Көл облустарынын аскер кызматкерлери, өрт өчүрүүчүлөр жана куткаруучулары аттестациядан өтүүдө.
Борбордук аппарат тарабынан түзүлгөн комиссия жалпы билим берүүчү предметтер боюнча сабактарда тестирлөө жүргүзүп, күжүрмөн жана атайын даярдыктын абалын текшерет. Натыйжада кесипкөйлүк деңгээли кадрлардын курамына жана ээлеген кызматына жараша аныкталат жана аскер кызматкерлери ар 3 жылда бир жолу аттестациядан өтүшү керек.

2024-жылдын 18-июнунан 21-июнуна чейинки мезгилде Кыргыз Республикасынын ӨКМние караштуу Окуу-изилдөө  борборунда КР ӨКМдин түзүмдүк бөлүмдөрүнүн кызматкерлери үчүн кырсыктардын кесепеттерин жоюуну пландаштыруу боюнча семинар өткөрүлүүдө. Иш-чара АКШнын Кыргызстандагы элчилигинин Аскердик кызматташтык бөлүмү тарабынан АКШнын армиясына жарандык колдоо компонентинин (CMSE) колдоосу менен уюштурулду.

Иш-чарада гуманитардык жардам көрсөтүү жана кырсыктын кесепеттерин жоюу маселелери талкуланууда.

Аскердик Жарандык колдоо компоненти (CMSE) тиешелүү темаларды талкуулоо жана өзгөчө кырдаалдарды пландаштыруу жана башкаруу боюнча тажрыйба алмашуу үчүн эксперттерди жана ресурстарды берүү аркылуу семинарга көмөктөшөт.

Бул иш-чара Кыргызстан менен АКШнын ортосундагы жарандык коргонуу жана өзгөчө кырдаалдарды башкаруу жаатында кызматташууну чыңдоодогу маанилүү кадам болуп саналат.

Семинарга катышуу КР ӨКМдин кызматкерлеринин табигый кырсыктардын кесепеттерин жоюу жаатындагы   билимдерин жогорулатат, бул өз кезегинде министрликтин иш-аракеттеринин даярдыгын жана натыйжалуулугун жогорулатат деп күтүлүүдө.