Кыргыз Республикасынын Өзгөчө кырдаалдар министрлиги АКШнын өкүлдөрү менен биргеликте өзгөчө кырдаалдар жаатында тажрыйба алмашууга жана эл аралык кызматташтыкты бекемдөөгө багытталган семинар өткөрүүдө.
Иш-чаранын жүрүшүндө эки өлкөнүн адистери өзгөчө кырдаалдарга даярдыкты жогорулатуу маселелерин талкуулап, аларды башкаруунун алдыңкы методикалары менен бөлүшүшүүдө. Негизги темалардын бири – табигый жана техногендик кырсыктарга жооп кайтаруунун натыйжалуулугун жогорулатуучу заманбап технологияларды киргизүү.
Семинар ошондой эле бул тармакта өлкөлөр ортосунда узак мөөнөттүү кызматташтыкты өнүктүрүү жана эки тараптуу байланыштарды бекемдөөгө багытталган. КР ӨКМнин Окуу-изилдөө борборунун кызматкерлери бул семинарга катышышты.
