Бүгүн 10-июнь 2024-жылы ОсОО «Кондитерский Дом «Куликовский» ишканасында КР ӨКМ караштуу Окуу-изилдөө борборунун кошумча кесиптик даярдоо кафедрасынын мугалимдери төмөнкү темалар боюнча сабактарды өтүштү:
1. Өрт коопсуздугу:
- Ишкананын өрт коопсуздугунун эрежелери менен тааныштыруу.
- Өрт чыккан учурдагы аракеттерге үйрөтүү.
- Өрт өчүрүүчү каражаттардын жайгашкан жерлери жана колдонулушу менен тааныштыруу.
Жарандык коргонуу:
- Жарандык коргонуу боюнча негизги принциптер жана милдеттер менен тааныштыруу.
- Эскертүү сигналдары жана аларды алган учурдагы аракеттер менен тааныштыруу.
- Жеке коргонуу каражаттарын колдонууну үйрөтүү.
Жабыркагандарга биринчи жардам көрсөтүү:
- Биринчи жардам көрсөтүүнүн негиздери менен тааныштыруу.
- Жүрөк-өпкө реанимациясынын (ЖӨР) ыкмаларына үйрөтүү.
- Ар кандай жаракаттар жана абалдар (кан агуу, күйүк, эс-учун жоготуу ж.б.) боюнча жардам көрсөтүүгө үйрөтүү.
Бул сабактар кызматкерлердин өзгөчө кырдаалдарга даярдык деңгээлин жогорулатууга, коопсуздукту камсыз кылуу жана жабыркагандарга жардам көрсөтүү боюнча көндүмдөрүн өркүндөтүүгө багытталган.
